पर्सा / एसईईको नतिजामा पर्सामा उत्कृष्ट जिपिए ल्याएकी आँचल कुमारी पटेललाई कुर्मी सेवा सदन तथा कुर्मी सशक्तिकरण मञ्च पर्साले बधाई दिएको छ ।
स्वजातीय चेलीले पर्सामा एसइइमा उत्कृष्ट अंकले प्रथम स्थान प्राप्त गरेकोमा सेवा सदनका अध्यक्ष अधिवक्ता सुरेन्द्रप्रसाद कुर्मी तथा मञ्चका अध्यक्ष दिपक पटेलले संयुक्तरुपमा खुशी व्यक्त गर्दै सम्मान कार्यक्रम गर्ने बताएका छन् । समाजिक अभियान्ता हरेन्द्र पटेलकी छोरी आँचल पटेल वीरगञ्जको एन्जल इन्टरनेश्नल बिद्यालयमा कक्षा १०मा अध्ययनको क्रममा एसइइमा ३.९६ जि.पि.ए प्राप्त गरेकोले समाज र आफनो परिवारको नाम निकै उच्च राखेको सेवा सदन तथा मञ्चको ठहर रहेको छ ।
बीरगञ्ज पिपरा वडा नं.१४ निवासी हरेन्द्र पटेल कुर्मी सशक्तिकरण मञ्च पर्साका सह कोषाध्यक्ष समेत रहेका छन । छोरीले प्राप्त गरेको सफलतामा घर परिवार पनि निकै खुशी भएको छ ।
निम्नवर्गिय परिवार र मधेसबाट छोरी चेलीले राम्रो नतिजाका साथ सफलता प्राप्त गर्दा उच्च शिक्षाका लागि घर परिवारले पुर्णरुपमा साथ दिने बुवा हरेन्द्र पटेलको प्रतिक्रिया रहेको छ ।
