पोर्चुगल युरोकप २०२४ को क्वाटरफाइनलमा प्रवेश गरेको छ । गएराति भएको खेलमा स्लोभेनियालाई पेनाल्टी सुटआउटमा ३–० ले हराउँदै पोर्चुगल क्वाटरफाइनलमा प्रवेश गरेको हो ।
निर्धारित समय र अतिरिक्त ३० मिनेटमा पनि गोल नहुँदा खेल पेनाल्टीमा पुगेको थियो । पेनाल्टीमा पोर्चुगलका गोलरक्षक डिओगो कोस्टाले स्लोभाकियाको तीनै पेनाल्टी विफल पारे ।
त्यसअघि कप्तान क्रिस्टियानो रोनाल्डोले अतिरिक्त समयमा पेनाल्टी चुकाउँदा खेल टाइब्रेकरसम्म पुगेको थियो । निर्धारित ९० मिनेटपछि थप गरिएको अतिरिक्त समयको पहिलो हाफको अन्तिम समयमा रोनाल्डो पेनाल्टीमा गोल गर्न चुके ।
रोनाल्डोको प्रहारलाई स्लोभानियाका कप्तान यान ओब्लाकले विफल पारे । क्वाटरफाइनलमा अब पोर्चुगल र फ्रान्ससँग प्रतिस्पर्धा गर्ने छन् ।
प्रतिक्रिया लेख्नुहोस्
