पर्सा / सशस्त्र प्रहरी पर्साले प्रतिबन्धित लागुऔषध सहित बिरगंजका दुई जना ब्यक्तिलाई नियन्त्रणमा लिएको छ ।
मंगलवार राती सशस्त्र प्रहरी पर्साले प्रतिबन्धित लागुऔषध सहित दुई जना लाई नियन्त्रणमा लिएको थियो ।
बिशेष सुचनाको अधारमा सश्स्त्र प्रहरी सिमा सुरक्षा गुल्म बिरगंजबाट खटिएको प्रहरी टोलीले भारत देखि नेपाल तर्फ आउदैं गरेका जिल्ला गोर्खा घर भई हाँल बिरगंजमा बस्ने १९बर्षीय लिखल गुरुङ्ग र बिरगंज महानगरपालिकाको वडा नम्बर २ छपकैयाका १९बर्षीय बिकी कुमारलाई शंकास्पद देखिएको भन्दैं चेकजाँच गर्दा निजको साथबाट नोरफिन १९ एम्पुल, डाईजापाम १६ एम्पुल, फेनारागन १४ एम्पुल लगायतको प्रतिबन्धित लागु औषध फेला परेको थियो ।
नियन्त्रणमा लिएको दुवैजनालाई आवश्यक कारवाहीको लागि प्रहरी चौकी ईनर्वामा बुझाएको सशस्त्र प्रहरीका प्रवक्ता देवेन्द्र सिंहले जानकारी दिएका छन ।
