पर्सा /भगवान कुर्मी
सशस्त्र प्रहरी पर्साले लागु औषध ट्रमानिल सहित एक जनालाई पक्राउ गरेको छ ।
सिमा सुरक्षा गुल्म वीरगंजबाट खटेको टोलीले शंकराचार्य गेटबाट वीरगंज २ छपकैया बस्ने कुशल सिंह क्षेत्रीलाई पक्राउ गरेको हो । पक्राउ परेका क्षेत्रीबाट ३०२ पता ट्रमानिल लागुऔषध बरामद गरिएको सशस्त्र प्रहरी पर्साका प्रवक्ता देवेन्द्र सिंहले जानकारी दिए ।पक्राउ परेका १७ बर्षिय क्षेत्री माथि आवश्यक कारवाहीको लागि प्रहरी चौकी ईनर्वामा बुझाइएको प्रवक्ता सिंहले जानकारी दिए ।
यसैगरी आजै सोही गुल्मबाट खटेको टोलीले भारतीय गाडी नियन्त्रणमा लिएको छ । वीरगंज १६ भन्सार मेनगेट स्थित चेकप्वाईन्ट भन्दा ५० मिटर उत्तर सडमा पार्किङ्ग गरि राखिएको बिआर ०१ पिए ७१६२ नम्बरको स्कारपियो नियन्त्रणमा लिएको हो ।गाडिभित्र जेठ २१ गते सम्मको मात्र प्रज्ञापन पत्र रहेकोले सो स्कर्पीयो गाडिलाई नियन्त्रणमा लिई आवश्यक कारवाहिको लागि वीरगंज भन्सार कार्यालय पर्सामा बुझाएको प्रवक्ता सिंहले जानकारी दिए ।
यता सिमावर्ती शहर रक्सौलबाट अबैध रुपमा भन्सार छलि ल्याइएको किराना समान पनि सशस्त्र प्रहरी नियन्त्रण लिएको छ । अबैध तरिकाले वीरगंज ल्याउदै गरिएका कबिर ५० हजार मुल्य बराबरको किराना सामानहरु सशस्त्रले बरामाद गरि भन्सार दाखिला गरेको जनाएको छ । यसैगरी वीरगंजबाट भन्सार छलि रक्सौल तर्फ लैजादै गरेको करिब १५ हजार मुल्य बराबरको कस्तुरी र एम्बिशन मदिरा नियनन्त्रणमा लिई भन्सार दाखिला गरेको प्रवक्ता सिंहले जानकारी दिए ।
