काभा यु–२० महिला भलिबल च्याम्पियनसिप खेल्न जाने नेपाली टोलीको बिदाइ गरिएको छ ।
सोमवार एक कार्यक्रमबीच राष्ट्रिय खेलकुद परिषद्का सदस्य सचिव टंकलाल घिसिङ, नेपाल भलिबल संघका अध्यक्ष जितेन्द्रबहादुर चन्द र उपाध्यक्ष भरतबहादुर शाहलगायतले टोलीलाई बिदाइ गर्नुभएको हो । माल्दिभ्सको मालेमा हुने प्रतियोगिता जुलाई १८ देखि २३ सम्म हुँदैछ ।
नेपालले पहिलो पटक उमेरसमूह च्याम्पियनसिप खेल्न लागेको हो । प्रतियोगितामा नेपाल, श्रीलंका, आयोजक माल्दिभ्स, कीर्गिस्तान गरी चार टोलीको सहभागिता छ ।
नेपालले पहिलो खेल जुलाई १८ मा श्रीलंकासँग खेल्नेछ भने दोस्रो खेल जुलाई २० मा कीर्गिस्तान, तेस्रो खेल माल्दिभ्ससँग जुलाई २० मा खेल्नेछ ।
प्रतिक्रिया लेख्नुहोस्
