सिरियामा निर्वाचनका लागि सर्वोच्च न्यायिक समितिले सोमवारदेखि लोक सभाको चौथो कार्यकालका लागि मतदान भएको घोषणा गरेको छ ।
सरकार नियन्त्रित क्षेत्रका कुल ८ हजार १५१ मतदान केन्द्रले बिहान ७ बजे मतदाताका लागि ढोका खोलेका थिए । एक दिनको निर्वाचनमा जनसभाको २५० सिटका लागि १ हजार ५१६ उम्मेदवारले प्रतिष्पर्धा गरिरहेका छन् । १८ वर्ष वा सोभन्दा माथिका प्रत्येक नागरिकले निर्वाचन प्रक्रियामा भाग लिन पाउनेछन् ।
सिरियालीहरूले संसदीय चुनावमा आफ्नो भोट हालेकाले उनीहरू नयाँ सांसदहरूले देशको चलिरहेको चुनौतीहरूको धेरै आवश्यक समाधान ल्याउने आशा गरिरहेका छन् ।
सर्वोच्च न्यायिक समितिले मतगणना सकिएलगत्तै अन्तिम नतिजा सार्वजनिक गर्नेछ ।सिरियाली संसदीय चुनाव, जसलाई पिपुल्स एसेम्बली चुनाव पनि भनिन्छ । हरेक चार वर्षमा हुने गर्छ ।
पिपुल्स एसेम्बली सिरियाको विधायिका अधिकार हो । जसमा मिश्रित निर्वाचन प्रणाली मार्फत निर्वाचित २५० सदस्य हुन्छन् । उम्मेदवारहरू सामान्यतया सत्तारुढ बाथ पार्टी र यसका सहयोगीहरूको प्रतिनिधित्व गर्ने बहुमतसहित विभिन्न राजनीतिक दलहरूसँग आवद्ध हुन्छन् ।
