देशको स्वास्थ्य मन्त्रालयको आधिकारिक तथ्याङ्कको आधारमा लामखुट्टेबाट सर्ने रोगको राष्ट्रिय भारको ९० प्रतिशतभन्दा बढी योगदान पपुवा क्षेत्रले गर्छ ।

काठमाडौँ-

इण्डोनेसियाले २०३० सम्ममा औलो मुक्त स्थिति प्राप्त गर्न आफ्नो उपायहरूलाई तिब्र बनाएको छ । हाल देशको पूर्वी क्षेत्र पपुवामा केसहरू घटाउने कुरामा ध्यान केन्द्रित गरिरहेको छ । दक्षिणपूर्वी एशियाली देशमा भारतपछि एशियामा दोस्रो सबैभन्दा बढी औलोका केसहरू रहेको रिपोर्ट गरिएको छ । यद्यपि इण्डोनेसियामा २०२२ मा लगभग ४ लाख ४३ हजारबाट घटेर २०२३ मा लगभग ४ लाख १८ हजार छ ।

विश्व स्वास्थ्य संगठनको २०२४ को रिपोर्टअनुसार गत दशकमा औलो नियन्त्रणमा इण्डोनेसियाको उपलब्धिहरूको प्रशंसा गरिएको थियो । यद्यपि गत वर्ष लगभग ५ लाख ४३ हजार केसहरूमा वृद्धि भएका थिए । त्यस यता देशमा औलोका केसहरू निरन्तर बढेका छन् ।

देशको स्वास्थ्य मन्त्रालयको आधिकारिक तथ्याङ्कको आधारमा लामखुट्टेबाट सर्ने रोगको राष्ट्रिय भारको ९० प्रतिशतभन्दा बढी योगदान पपुवा क्षेत्रले गर्छ । यस वर्ष अधिकारीहरूले ८० लाख मलेरिया परीक्षणको लक्ष्य राखेका छन् । जुन गत वर्ष गरिएको ४३ लाख परीक्षणको तुलनामा लगभग दोब्बर हो ।