"वीरगन्जको मुख्य सडकको खास कुरा 🛣️ | अध्यक्ष जवाहर गुप्तासँग विशेष कुराकानी 🎤🌆"

सिरहा सदरमुकामस्थित प्रादेशिक अस्पतालमा उपचार गराउन पुगेका बालकको मृत्यु भएपछि उनका आफन्त र गाउँले आन्दोलनमा उत्रिएका छन् ।


सिरहा नगरपालिका९ ६ का झबुलाल महराका १२ वर्षीय छोरा राजन रामको उपचारको क्रममा मृत्यु भएको हो । उनको मृत्युपश्चात आफन्त र गाउँलेले अस्पतालमा प्रदर्शन गरिरहेका छन् । अहिले अस्पतालको अवस्था तनावग्रस्त बनेको छ ।

मृतकका आफन्त र गाउँले केहीबेर अस्पताल अगाडि सडकसमेत अवरुद्ध गरेका छन् । डाक्टरको लापरबाहीले बालकको मृत्यु भएको भन्दै आफन्त र गाउँले आक्रोशित बनेका छन् । उनीहरुले अस्पतालमा तोडफोडको प्रयास गरेपछि ठूलो संख्यामा सुरक्षाकर्मी परिचालन गरिएको छ ।


घरमा अचानक बेहोश भएपछि आज बिहान करिब साढे १० बजे ती बालकलाई आफन्तले अस्पताल भर्ना गरेका थिए । उनलाई डा सुदेशकुमार यादवले चेकजाँच गरे । स्वास्थ्य परीक्षणको क्रममा बालकको शरीरमा रगतको मात्र अत्यधिक कम पाइएको बुझिएको छ ।

डा यादवले तत्कालै रगत चढाउन सुझाए, तर प्रादेशिक अस्पतालभित्रै रहेको ब्लड बैंकमा रगत नभएको जानकारी दिइयो । रगत अभावकै कारण ती बालकको ज्यान गएको अस्पताल स्रोतले जनाएको छ ।छोराको मृत्यु भएपछि आमा सुनिता महरा अचेत भएकी छन् । अस्पताल परिसरमै उनी मुर्छित भएकी हुन् ।


आन्दोलनमा सहभागी भएका वडा नम्बर ६ का अध्यक्ष इन्द्रजीत यादवले अस्पताल प्रशासन र डाक्टरहरुले चरम लापरबाही गर्ने गरेको आरोप लगाए ।उनले भने, ‘हामीले अस्पतालको सेवा सुधार्न पटकपटक ध्यानाकर्षण गराउँदा पनि बेवास्ता गरियो । त्यसकै परिणाम आज एक बालकको ज्यान गयो । यसको जिम्मा अस्पतालले लिनुपर्छ ।’

📚 राज्यको लगानी र ध्यान सार्वजनिक शिक्षामा:मन्त्री पन्त 💡✅

🌟 सकारात्मक सोच राख्दा देशमै केही गर्न सकिन्छ: मन्त्री चौधरी 😊💪

भन्सार दर बढाउनुपर्छ - पूर्वअर्थमन्त्री महत 📈

संसदको कार्यसूचीमा तनाव! 🚨