रास्वपाकी सांसद चन्दा कार्की भण्डारीले भिजिट भिसा प्रकरणमा मानव तस्करीको गम्भीर आरोप लागेको भन्दै दोषीमाथि कारबाही र पीडितलाई न्याय दिन उच्चस्तरीय छानबिन समिति गठन गर्नुपर्ने माग गरेकी छन्।
| ♠ समाचार सारांश | ♠ एआईबाट जेनरेटेड |
|
काठमाडौँ –
राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा) ले भिजिट भिसा प्रकरणमा गृहमन्त्री रमेश लेखकको राजीनामा र छानबिनका लागि संसदीय समिति वा न्यायिक आयोग गठनको माग राख्दै प्रतिनिधिसभा बैठक अवरोध जारी राखेका छन्।
सभामुख देवराज घिमिरेले बैठक सुरु भएको जानकारी गराउनासाथ रास्वपा र राप्रपाका सांसदहरूले उठेर विरोध जनाए। जेठ १३ गतेदेखि यो माग राख्दै उनीहरूले संसद् बैठक अवरुद्ध गर्दै आएका छन्।
रास्वपाकी सांसद चन्दा कार्की भण्डारीले भिजिट भिसा प्रकरणमा मानव तस्करीको गम्भीर आरोप लागेको भन्दै दोषीमाथि कारबाही र पीडितलाई न्याय दिन उच्चस्तरीय छानबिन समिति गठन गर्नुपर्ने माग गरेकी छन्।
गृहमन्त्री लेखकले भने आफूमाथिको आरोप अस्वीकार गर्दै अख्तियारको छानबिनमा सहयोग गर्ने बताएका छन्। सत्तापक्षले संसदीय समिति गठनको प्रस्ताव अस्वीकार गरेपछि संसदमा गतिरोध कायम छ।
