बौद्धिक सम्पत्तिको अधिकारलाई सुरक्षित गर्न नीति तथा कानून बनाउने र कार्यान्वयन गर्ने विषयमा सरकार दृढतापूर्वक प्रस्तुत हुने जिकिर गर्नुभयो ।

काठमाडौँ-

संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले विश्वमा देशको परिचय र ब्रान्डिङलाई स्थापित गर्नुपर्नेमा जोड दिनुभएको छ ।

शुक्रवार काठमाडौंमा आयोजित एक कार्यक्रममा बोल्दै उहाँले यस्तो बताउनुभएको हो । उहाँले देशभित्र आफ्नो सम्पतीलाई संरक्षण, विकास र प्रवद्र्धन गर्नेका साथै देशबाहिर पनि परिचयलाई स्थापित गर्नुपर्ने बताउनु भयो । उहाँले बौद्धिक सम्पतीमाथिको अधिकारलाई कानूनहरूले सुनिश्चित नगरिदिएको कारणले कतिपय अवस्थामा पीडित हुनुपरेको जिकिर गर्नुभयो ।

उहाँले बौद्धिक सम्पतीका विषयलाई सरकारले सम्बोधन गर्ने विश्वास व्यक्त गर्नुभयो । उहाँले बौद्धिक सम्पत्तिको अधिकारलाई सुरक्षित गर्न नीति तथा कानून बनाउने र कार्यान्वयन गर्ने विषयमा सरकार दृढतापूर्वक प्रस्तुत हुने जिकिर गर्नुभयो ।

उहाँले भन्नुभयो, “हामीले देशभित्र हाम्रो सम्पतीलाई संरक्षण, विकास, प्रवद्र्धन गर्ने र देशबाहिर ग्लोबल क्षितिजमा हाम्रो आफ्नो परिचय, हाम्रो आफ्नो ब्राण्डिङलाई स्थापित गर्नुपर्नेछ । बौद्धिक सम्पत्तिमाथिको अधिकार हाम्रो कानूनहरूले सुनिश्चित नगरिदिएको कारणले कतिपय अवस्थामा बडो पीडामा पनि हुनुहुन्छ होला ।

यी सबै विषयलाई हामीले सम्बोधन गर्ने हो, सरकारले सम्बोधन गर्ने हो । त्यसका लागि नीति बनाउने, कानून बनाउने र कार्यान्वयन गर्ने सन्दर्भमा सरकार दृढतापूर्वक प्रश्तुत हुन्छ ।”

बाइट… बद्रीप्रसाद पाण्डे, मन्त्री, संस्कृति, पर्यटन तथा नागरिक उड्डयन मन्त्रालय
उहाँले संस्कृति नीति मन्त्रिपरिषद्मा रहेको बताउँदै उक्त नीतिले बौद्धिक सम्पतीलाई पनि समेटेको जिकिर गर्नुभयो ।