सिरियाली सुरक्षा बलहरूले दमास्कस चर्चमा आईतवार भएको घातक आत्मघाती बम विस्फोटका दोषीहरूलाई पक्राउ गरेको बताएका छन् ।

काठमाडौं –

सिरियाली सुरक्षा बलहरूले दमास्कस चर्चमा आईतवार भएको घातक आत्मघाती बम विस्फोटका दोषीहरूलाई पक्राउ गरेको बताएका छन् । जसलाई अधिकारीहरूले राजधानी र वरपर इस्लामिक स्टेट (आईएस) लुक्ने ठाउँहरूलाई लक्षित गर्दै द्रुत र समन्वित आतंकवाद विरोधी अभियानको रूपमा वर्णन गरेका छन् ।

आन्तरिक मामिलाका प्रवक्ता नूरद्दिन अल–बाबाले आन्तरिक अधिकारीहरूले जनरल इन्टेलिजेन्स डाइरेक्टरेटसँगको समन्वयमा दमास्कस र यसको ग्रामीण इलाकामा आइएस लुक्ने ठाउँहरूलाई लक्षित गर्दै उच्च–स्तरीय अभियान सञ्चालन गरेको बताउनु भयो । जसमा ड्वेइला जिल्लाको मार एलियास चर्चमा भएको आक्रमणको लागि जिम्मेवार सेल पनि समावेश रहेको बताउनु भयो ।

आईतवार साँझको प्रार्थनाको समयमा भएको बम विस्फोटमा कम्तीमा २२ नागरिकको मृत्यु भएको थियो । ५९ जना घाइते भएका छन् । सिरियाली स्वास्थ्य अधिकारीहरूकाअनुसार यो वर्षौंमा राजधानीमा भएको क्रिश्चियन पूजास्थलमा भएको सबैभन्दा घातक आक्रमण हो ।