रास्वपाद्वारा काठमाडौंका १४ ठाउँमा ‘ऐक्यवद्धता डेस्क’ सञ्चालन

राष्ट्रिय स्वतन्त्र पार्टीले हस्ताक्षर अभियानका लागि ‘ऐक्यवद्धता डेस्क’ सञ्चालन गरेको छ ।

♠ समाचार सारांश

♠ एआईबाट जेनरेटेड

रास्वपाको ऐक्यवद्धता डेस्क सञ्चालन – राष्ट्रिय स्वतन्त्र पार्टीले सभापति रवि लामिछानेको पक्षमा जनसमर्थन जुटाउन ‘ऐक्यवद्धता डेस्क’ स्थापना गरेको छ।
राजनीतिक प्रतिशोधको आरोप – रास्वपाले लामिछानेमाथि सहकारी ठगी मुद्दामा सरकारले राजनीतिक प्रतिशोध साँधेको आरोप लगाएको छ।
काठमाडौंका १४ ठाउँमा अभियान – पार्टीले शुक्रवारदेखि काठमाडौंका १४ स्थानमा हस्ताक्षर संकलन अभियान सञ्चालन गरेको छ।

काठमाडौं-

शुक्रवार काठमाडौंको कलंकीमा पार्टीका नेताहरु उपस्थित भइ हस्ताक्षर अभियानका लागि ऐक्यवद्धता डेस्कको शुभारम्भ गरेका हुन् । रास्वपाले पार्टी सभापति रवि लामिछानेमाथि सरकारले राजनीतिक प्रतिशोध साँधेको भन्दै त्यसको विरुद्धमा जनताको हस्ताक्षर अभियान शुरु गरेको हो ।

सभापति लामिछाने सहकारी ठगी प्रकरणमा जेलमा छन् । बुटवको सुप्रिम सहकारी ठगी र संगठित अपराधसम्बन्धी मुद्दामा उच्च अदालत तुलसीपुर बुटवल इजलासले उनलाई थुनामा राख्न आदेश दिएको थियो । शुक्रवारबाट काठमाडौंका १४ ठाउँमा ऐक्यवद्धता डेस्क सञ्चालनमा ल्याइएको रास्वपाले बताएको छ ।