प्रतिवेदनमा उल्लेख छ कि २०२५ मा अहिलेसम्म इरान र पाकिस्तानबाट १२ लाखभन्दा बढी अफगानीहरू फर्किएका छन् ।

काठमाडौं –

शरणार्थीका लागि संयुक्त राष्ट्रसंघीय उच्चायुक्तले कठोर परिस्थितिमा इरानबाट फर्केका अफगानीहरूको संख्यामा भएको वृद्धिप्रति चिन्ता व्यक्त गरेको छ । ठूलो मात्रामा फर्कने कार्यले अफगानिस्तानको पहिले नै कमजोर रहेको अवस्थालाई अझ खराब बनाउनसक्ने चेतावनी दिएको छ ।

आश्रय, खाना, कपडा, बच्चाहरूको लागि शिक्षा जस्ता आवश्यक सहयोग चाहिने अफगान शरणार्थी अहमद जाकीले बताउनु भयो । शरणार्थीका लागि संयुक्त राष्ट्रसंघीय उच्चायुक्तका अनुसार सरकारले मार्च २०, २०२५ मा फिर्ताको समयसीमा लागू गरेदेखि ६ लाख ४० हजार भन्दा बढी अफगानीहरू इरानबाट फर्किएका छन् । प्रतिवेदनमा उल्लेख छ कि २०२५ मा अहिलेसम्म इरान र पाकिस्तानबाट १२ लाखभन्दा बढी अफगानीहरू फर्किएका छन् ।

एजेन्सीले यस क्षेत्रका सरकारहरूसँग अफगानिस्तान फर्कनु स्वेच्छिक, सुरक्षित र सम्मानजनक हुनुपर्छ भनेर वकालत गरिरहेको छ । अफगानहरूलाई फर्कन बाध्य पार्नु वा दबाब दिनु दिगो नहुने र यसले क्षेत्र र बाहिर अस्थिरता निम्त्याउन सक्ने चेतावनी दिइएको छ ।

अनुमानित ७० लाख अफगानी शरणार्थीहरू धेरै कागजात नभएकाहरू अझै पनि विदेशमा बस्छन् । मुख्यतया छिमेकी इरान र पाकिस्तानमा बस्ने गरेका छन् ।