२०८२ भाद्र १६ गते, सोमबार ०३:२४

नेपाली कांग्रेसका नेता रामअयोध्या प्रसाद यादवको निधन

♠  समाचार सारांश ♠ एआईबाट जेनरेटेड
  • कांग्रेस नेता यादवको निधन : नेपाली कांग्रेसका नेता रामअयोध्या प्रसाद यादवको ७२ वर्षमा वीरगन्जमा निधन। मधुमेहबाट ग्रस्त उनी २०७० मा बारा–१ बाट संविधानसभा सदस्य निर्वाचित थिए।यादवको
  • अन्त्येष्टि आज : पूर्वसंविधानसभा सदस्य रामअयोध्या यादवको आज दिउँसो १ बजे अन्त्येष्टि। कांग्रेस बाराले उनको निधनलाई अपूरणीय क्षति भएको जनायो।

वीरगन्ज—

नेपाली कांग्रेसका नेता तथा पूर्वसंविधानसभा सदस्य रामअयोध्या प्रसाद यादवको ७२ वर्षको उमेरमा निधन भएको छ। बाराको सुवर्ण गाउँपालिका–२, कवहीगोठ निवासी यादवको गएराति वीरगन्जस्थित हेल्थकेयर अस्पतालमा उपचारका क्रममा निधन भएको उनका छोरा सत्येन्द्र यादवले बताए।

लामो समयदेखि मधुमेहबाट ग्रस्त यादव २०७० को दोस्रो संविधानसभा निर्वाचनमा बारा क्षेत्र नम्बर १ बाट नेपाली कांग्रेसका तर्फबाट निर्वाचित भएका थिए। उनी कांग्रेस बाराको पूर्वजिल्ला सचिव र महासमिति सदस्यसमेत थिए।

यादवका श्रीमती, दुई छोरा र दुई छोरी छन्। उनको अन्त्येष्टि आज दिउँसो १ बजे गरिने परिवारले जनाएको छ।

नेपाली कांग्रेस बाराका सचिव राजेश रौनियारले यादवको निधनले पार्टीलाई अपूरणीय क्षति पुगेको र बाराले एक अभिभावक गुमाएको बताए।

प्रतिक्रिया

पोडकास्ट सुन्नुहोस