उज्जैन, भारत –
विश्व प्रसिद्ध महाकालेश्वर ज्योतिर्लिंगमा दुई दिनअघि अनौठो घटना घट्यो। सोमबार राति नियमित शिवलिंग श्रृंगारको क्रममा शिवलिंगमा भांगको मुखौटा तयार पारिएको थियो। तर केही क्षणमै मुखौटा भत्कियो र नाक, होंठ तथा एउटा आँखा तल खस्न पुग्यो।
मन्दिरका पुजारिहरूले तुरुन्तै मुखौटा फेरि बनाएर आरती सम्पन्न गरे। घटना मन्दिरको CCTV मा कैद भएको छ र भिडियो सामाजिक सञ्जालमा भाइरल भएको छ।
घटनापछि महाकाल मन्दिर प्रबन्ध समिति र पुजारिहरूमा सवाल उठिरहेका छन्। देशका ज्योतिषाचार्यहरू र धर्मविद्हरूले यस घटनालाई फरक–फरक तरिकाले व्याख्या गरेका छन्।
सुप्रीम कोर्टले अघिल्ला वर्षहरूमा महाकाल शिवलिंगको संरक्षणका लागि निर्देश दिँदै निर्धारित मात्रामा पंचामृत र अन्य सामग्री प्रयोग गर्न भनिसकेको थियो। तर, भांगको प्रयोगले माथिको मुखौटा भत्किन पुग्यो।
ज्योतिषाचार्य अमर त्रिवेदीका अनुसार यो अप्राकृतिक घटना हो र यसले भविष्यमा मौसम तथा जलवायुको संकेत दिन सक्छ। तर, धर्मविद् डा. मोहन गुप्त भन्छन् कि शिवलिंगमा भांगको श्रृंगारको कुनै परम्परा छैन र यसले शिवलिंगको क्षरण गराउँछ।
पुजारिहरू भने यस शास्त्रीय चेतावनीलाई अहिलेसम्म मान्न तयार छैनन्। अब प्रशासन र मन्दिरका पंडितहरूले यो विषयमा गम्भीर रुपमा विचार गर्नुपर्ने देखिन्छ।
