काठमाडौं-
इजरायलका सैन्य प्रवक्ता अविचय आड्राईले इजरायली सेनाले गाजा शहरमा आक्रमणको प्रारम्भिक अपरेशन र प्रारम्भिक चरणहरू शुरु गरिसकेको बताउनुभएको छ । आड्राईले सेनाले आफ्नो आक्रमणलाई तिब्र बनाउने र सबै वन्धकहरूलाई फिर्ता ल्याएसम्म र हमासलाई ध्वस्त नगरेसम्म आक्रमण नरोकिने बताउनु भयो ।
इजरायल रक्षा बलले एक विज्ञप्तिमा गाजा शहरमा दैनिक १० घण्टाको मानवीय विराम रद्ध गरिएको बताएको छ । अन्तर्राष्ट्रिय विरोधको बावजुद, इजरायली सेनाले गाजा शहरलाई हप्तौंसम्म भारी हवाई आक्रमण र तोपखानाले घेरा हालेर हालै शहरको नियन्त्रण लिन अपरेशनको तयारी गरिरहेको घोषणा गरेको छ ।
