जुन ४ मा पदभार ग्रहण गर्नुभएका लीले अभियानको क्रममा लाउडस्पीकर प्रशारण बन्द गर्ने प्रतिवद्धता जनाउनुभएको थियो ।

काठमाडौं –

दक्षिण कोरियाले प्रजातान्त्रिक जन गणतन्त्र कोरियासँगको सीमा क्षेत्रमा लाउडस्पीकरमार्फत प्रचार प्रशारण रोकेको छ । सोलको रक्षा मन्त्रालयले बुधवार यसबारे जानकारी गराएको हो । मन्त्रालयले एक विज्ञप्तिमा भनेको छ कि यो अन्तर–कोरियाली सम्बन्ध र कोरियाली प्रायद्वीपमा शान्ति पुनस्र्थापित गर्ने राष्ट्रपति ली जे–म्युङको प्रतिज्ञा पूरा गर्नको लागि एक योजना हो ।

मिडिया आउटलेटहरूकाअनुसार बुधवार दिउँसोदेखि उत्तर कोरिया विरोधी लाउडस्पीकर प्रशारण निलम्वन गरिएको थियो । जुन ४ मा पदभार ग्रहण गर्नुभएका लीले अभियानको क्रममा लाउडस्पीकर प्रशारण बन्द गर्ने प्रतिवद्धता जनाउनुभएको थियो । जुन गत वर्ष जुनमा फोहोर र मलले भरिएको बेलुनहरू उत्तर कोरियाले पठाएको बदलामा पुनः शुरु गरिएको थियो ।