पर्सा-

अख्तियार दुरुपयोग अनुसन्धान आयोगले पर्साको पोखरिया नगरपालिकाका कर्मचारीमाथि भ्रष्टाचारको आरोपमा कारबाही गरेको छ। योजनाहरूको स्वीकृति र कर्मचारी नियुक्तिमा अनियमितताको उजुरीपछि छानबिन गर्दा ठूलो अनियमितता फेला परेको हो।

आयोगको टंगाल टोलीले पोखरियाका पूर्व प्रमुख प्रशासकीय अधिकृत अजय कुमार श्रीवास्तव (हाल बहादुरमाई नगरपालिकामा कार्यरत) र नायब सुब्बा सदीप साह लाई वीरगन्ज महानगरपालिका, वडा नं. १२, प्रतिमा चोक र वडा नं. ३, प्रगतिनगरबाट नियन्त्रणमा लिएको छ। उनीहरूको साथबाट चार थान मोबाइल जफत गरिएको छ।

यसैगरी, पोखरिया नगरपालिकाका प्रमुख प्रशासकीय अधिकृत राम विनय कुमार सिंह र वडा नं. २ का सचिव ओम प्रकाश चौरसिया को साथबाट दुई थान मोबाइल बरामद गरी थप अनुसन्धान भइरहेको छ।