राष्ट्रिय सभाको शुक्रवारको बैठकमा बोल्दै सांसद रिजालले कम्पनी रजिष्ट्रारको कार्यालयमा सर्भर डाउन गराएर कमिसन मागिरहेको विषय सार्वजनिक भएको भन्दै छानविन गर्न सरकारको ध्यानाकर्षण गराउनुभएको हो ।
| ♠ समाचार सारांश | ♠ एआईबाट जेनरेटेड |
|
काठमाडौँ-
नेकपा (एकीकृत समाजवादी) का सांसद घनश्याम रिजालले कम्पनी रजिष्ट्रारको कार्यालयमा ‘सर्भर डाउन’ गराएर घुस डिल गरिहरेको विषयमा छानविन गर्न सरकारको ध्यानाकर्षण गराउनुभएको छ ।
राष्ट्रिय सभाको शुक्रवारको बैठकमा बोल्दै सांसद रिजालले कम्पनी रजिष्ट्रारको कार्यालयमा सर्भर डाउन गराएर कमिसन मागिरहेको विषय सार्वजनिक भएको भन्दै छानविन गर्न सरकारको ध्यानाकर्षण गराउनुभएको हो । बिहीवार कम्पनी रजिष्ट्रारमा सिस्टम डाउन गराएर घुस डिल भइरहेको विषयमा केही अनलाइन समाचार माध्यमहरुबाट समाचार प्रकाशन गरिएका थिए ।
सांसद रिजालले कम्पनी दर्ता गर्न घुस खुवाउनुपर्ने भए युवाहरुले कसरी व्यवसाय गर्छन् रु भन्दै प्रश्न समेत गर्नुभयो । उहाँले प्रधानमन्त्रीकै नेतृत्वको सुशासन आयोग गठन गरिएको भएपनि सिंहदरबारबाट एक किलो मिटर टाढा रहेको कम्पनी रजिष्ट्रारको सर्भरसँगै सरकारको सुशासन र सिस्मटम समेत डाउन भएको टिप्पणी गर्नुभयो ।
सांसद रिजालले घटनाबारे सत्यतथ्य छानविन गरी दोषिलाई कानूनी कारबाही गर्न माग गर्नुभयो ।
