काठमाडौं–
इजिप्टको विदेश मन्त्रालयले जारी गरेको तथ्याङ्कीय चार्टअनुसार इजिप्टले जुलाई २७ देखि अगस्ट १७ सम्म केरेम शालोम क्रसिङ हुँदै गाजा पट्टीमा १ हजार २ सय ८८ मानवीय सहायता ट्रक पठाएको छ । राहत सामग्री बोकेका ५ हजार ट्रक अझै पनि इजिप्टको तर्फबाट गाजामा प्रवेश गर्न पर्खिरहेका छन् ।
मन्त्रालयकाअनुसार अक्टोबर २०२३ देखि इजिप्टले गाजामा ५ लाख ५० हजार टन चिकित्सा सहायता र खानाको प्रवेशलाई सहज बनाएको छ । जुन एन्क्लेभमा पठाइएको कुल मानवीय सहायताको लगभग ७० प्रतिशत हो ।
चार्टले इजिप्टबाट गाजामा ३ हजार ७ सय ३० टन राहत सामग्री पु¥याउने १ सय ६८ एयरड्रपहरू, दाता देशहरूबाट १ हजार २२ विमानहरू २७ हजार २ सय ४७ टन बोकेर एल अरिश विमानस्थलमा अवतरण गरेको र संकटको शुरुवातदेखि नै इजिप्टका बन्दरगाहहरूमार्फत प्राप्त ५ सय ९१ दान गरिएको सहायता ढुवानीहरू पनि रेकर्ड गरेको छ ।
नोभेम्बर २०२३ देखि जुलाई २०२५ सम्म, इजिप्टले घाइते प्यालेस्टिनीहरूलाई चिकित्सा सेवा प्रदान ग¥यो । २०९ एम्बुलेन्सहरू तैनाथ ग¥यो । १८ हजार ५ सय ६० घाइते प्यालेस्टिनीहरू र उनीहरूका साथीहरूलाई स्वागत गरेको छ । चार्टअनुसार १ सय ७२ इजिप्टियन अस्पतालहरूमा उनीहरूलाई भर्ना गरेको छ ।
गैर–सरकारी संस्थाहरूका ३५ हजार इजिप्टियन स्वयंसेवकहरूले मानवीय सहायताको वितरणलाई सहज बनाउन भाग लिएका छन् अक्टोबर ७, २०२३ देखि, गाजामा इजरायलको चलिरहेको सैन्य अभियानले ६२ हजार १ सय २२ प्यालेस्टिनीहरूको मृत्यु भएको छ । १ लाख ५६ हजार ७ सय ५८ जना घाइते भएका छन् । गाजामा अनिकाल र कुपोषणले ११२ बालबालिका सहित २ सय ६९ जनाको मृत्यु भएको छ ।
