बीरगन्ज –
राष्ट्रिय स्वतन्त्र पार्टीका सभापति एवम् पूर्वगृहमन्त्री रवि लामिछानेविरुद्ध पर्साबाट पक्राउ पूर्जी जारी भएको छ ।
जिल्ला प्रहरी कार्यालय पर्साले सभापति लामिछानेविरुद्ध बुधबार पक्राउ पुर्जी जारी गरेको छ ।
सहकारी ठगी प्रकरणमा उनलाई पक्राउ गरी आवश्यक अनुसन्धानका लागि अनुमति लिइएको पर्सा प्रहरीका प्रमुख कुमोध ढुंगेलले बताए ।
उनका अनुसार पर्सा जिल्ला अदालतले पूर्वगृहमन्त्री लामिछानेलाई पक्राउ गरी अनुसन्धान गर्न अनुमति दिएको हो ।
सभापति लामिछानेमाथि बीरगन्जको सानो पाइला बचत तथा क्रृण सहकारी संस्थाको रकम अपचलन गरेको आरोप छ ।
सभापति लामिछानेसँगै अन्य १४ जनाविरुद्ध पर्सा जिल्ला अदालतले पक्राउ पूूर्जी जारी गरेको जिल्ला प्रहरी कार्यालयले जनायो ।
