काठमाडौं –
नेकपा (एकीकृत समाजवादी) ले वामदेव गौतमलाई पार्टीमा भित्र्याउने तयारी गरेको छ ।
नेकपा (एमाले) त्याग गरेर नेकपा एकता महाअभियान गठन गरेका गौतमलाई पार्टीमा भित्र्याउने तयारी भइरहेको एकीकृत समाजवादीकी उपाध्यक्ष जयन्ती देवी राईले जानकारी दिइन् ।
उपाध्यक्ष राईका अनुसार गौतम पार्टीको निरन्तर सम्पर्कमा छन् । ‘उहाँसँग निरन्तर संवाद भइरहेको छ,’ उनले भनिन्, ‘उहाँलाई पार्टीमा स्वागत गर्ने तयारी छ । कुरा सकारात्मक छ ।’
यसबीचमा गौतमले पुन: एमालेमै फर्किन मनसाय व्यक्त गरेका थिए । तर, अध्यक्ष केपी शर्मा ओलीले ‘भाउ’ नदिएपछि उनी एकीकृत समाजवादीसँग नजिकिएका हुन् ।
