काठमान्डौँ-
नेपाली काँग्रेसका सांसद दिलेन्द्र बडूले बाढीबाट क्षतिग्रस्त संरचनाको पुनर्निर्माण गर्न सरकारको ध्यानाकर्षण गराउनुभएको हो ।
प्रतिनिधि सभाको शुक्रवारको बैठकमा बोल्दै सांसद बडूले यस्तो बताउनुभएको हो । उहाँले गत वर्ष आएको बाढीका कारण क्षतिग्रस्त संरचनाको पुनर्निर्माणका लागि सरकारको योजना के छ ? भन्दै प्रश्न समेत गर्नुभयो । उहाँले दार्चुलाको मार्मा गाउँपालिका वडा नम्बर ४ को एक गाउँ बाढीले बिस्थापित हुन पुगेको भएपनि अहिलेसम्म पुनर्निर्माण हुन नसकेको बताउनु भयो ।
क्षतिग्रस्त संरचनाहरुको समयमै पुनःनिर्माण नहुँदा जनता त्रसित र भयमा बाच्न बाध्य रहेको सांसद बडूको भनाइ छ ।
