काठमान्डौँ-
नेपाली काँग्रेसका अर्जुननरसिंह केसीले सरकारले नेपाल शिक्षक महासंघसँग पटक पटक गरेका सम्झौताहरुको अवहेलना र अनादर गर्नु दुःखद् र निन्दनीय भएको बताउनुभएको छ ।
प्रतिनिधि सभाको मंगलवारको बैठकमा बोल्दै उहाँले यस्तो बताउनुभएको हो । उहाँले सरकारले शिक्षक महासंघसँग गरिएका सम्झौताहरुको अवहेलना गर्ने गरेको आरोप लगाउनु भयो । राज्यले कसैलाई वचन दिएपछि इमानदार हुनुपर्ने उहाँको भनाइ छ ।
उहाँले महासंघसँग गरिएका सम्झौताहरु कार्यान्वयन गर्दै शिक्षकका समस्याहरु संवाद र वार्तामार्फत हल गर्न सरकारको ध्यानाकर्षण गराउनु भयो । उहाँले विद्यालय शिक्षा ऐन छिटो पारित गरी शिक्षकहरुको एकीकरण गर्न समेत माग गर्नुभयो ।
