काठमान्डौँ-
टर्किएले मंगलवार इस्तानबुलका विभिन्न नगरपालिकाका अधिकारीहरूसहित ३२ जना संदिग्धहरूलाई आतंकवादी संगठनलाई आर्थिक सहयोग गरेको आरोपमा पक्राउ गरेको अधिकारीहरूले घोषणा गरेका छन् । इस्तानबुलका प्रमुख सार्वजनिक अभियोजकको कार्यालयले बताएअनुसार संदिग्धहरूले प्रतिवन्धित क्रान्तिकारी जनमुक्ति पार्टी–फ्रन्टलाई सहयोग गर्न एक समिति गठन गरेका थिए ।
अधिकारीहरूले इस्तानबुलका धेरै जिल्ला नगरपालिकाहरूद्वारा आयोजित भ्रष्ट टेन्डरहरू मार्फत रकम प्राप्त गरिएको खुलासा गरेका छन् । अभियोजकको कार्यालयले पक्राउ वारेन्ट जारी गरेपछि प्रहरीले टर्कीका प्रान्तहरू सामसुन, बुर्सा, इज्मिर र इस्तानबुलका ३१ स्थानहरूमा एकैसाथ कारबाही शुरु गरेको छ ।
टर्किएले आतंकवादी संगठनको रूपमा तोकेको डिएचकेपिसीलाई २०१३ मा अंकारामा अमेरिकी दूतावासमा आत्मघाती बम विस्फोटसहित देशमा भएका थुप्रै आक्रमणहरूको लागि दोषी ठहर गरिएको छ ।
