संकर गणेश / रक्सौल-
रक्सौल अनुमण्डलको हरपुर थाना क्षेत्रअन्तर्गत बडवा पेट्रोल पम्प नजिकै गोप्य सूचनाको आधारमा प्रहरीले एक एम्बुलेन्स (BR०१PL२२०५) बाट ७ प्याकेटमा करिब ७८ किलोग्राम गाँजा बरामद गरेको छ। उक्त एम्बुलेन्सका चालक आशुतोष कुमार, पिता अरविन्द कुमार ठाकुर, ग्राम हरिशंकर मनियारी, थाना मनिहारी, मुजफ्फरपुरलाई आदापुर सिओको उपस्थितिमा पक्राउ गरिएको छ। उनको पहिचान मुजफ्फरपुरको सदर अस्पतालको स्वास्थ्य विभागसँग सम्बन्धित कर्मचारीको रूपमा भएको छ।
आशुतोषको बयानको आधारमा रक्सौलको हरदिया क्षेत्रमा जाकिर खान र कादिर खान, पिता नथु खानको कबाडखानामा रक्सौल थानाको सहयोगमा छापामारी गरिएको थियो। छापामारीको क्रममा करिब ८० किलोग्राम थप गाँजा बरामद गरिएको छ। जाकिर खान र कादिर खानलाई पनि रक्सौल थानाले पक्राउ गरेको छ।
यो गाँजा तस्करी प्रकरणमा तीन जना तस्करलाई हिरासतमा लिइएको रक्सौलका डिएसपी धीरेन्द्र कुमारले पुष्टि गरेका छन्।
सरकारी स्वास्थ्य विभागमा एम्बुलेन्सको अभावमा बिरामीहरूले ज्यान गुमाउनुपर्ने अवस्था छ, तर विभागीय लापरवाहीका कारण एम्बुलेन्सको दुरुपयोग गरी मादक पदार्थको तस्करी भइरहेको छ। यो घटनाले स्वास्थ्य सेवाको गम्भीर समस्यालाई उजागर गरेको छ।
