काठमाडौं-
सुडानको सरकारले संयुक्त अरब इमिरेट्स (युएई) सँगको कुटनीतिक सम्बन्ध तोड्ने र आफ्नो राजदुतलाई फिर्ता बोलाउने बताएको छ । साथै युएईलाई आक्रमणकारी राज्य घोषणा समेत गरेको छ । रक्षामन्त्री यासिन इब्राहिम यासिनले सरकारी टेलिभिजनमा बोल्दै अबु धाबीले आफ्नो प्रोक्सी, ¥यापिड सपोर्ट फोर्सेस (आरएसएफ) मिलिशियामार्फत सुडानको सार्वभौमसत्ता उल्लङ्घन गरेको आरोप लगाउनु भयो । जसमा पोर्ट सुडानको बन्दरगाह, विमानस्थल र पावर स्टेशनहरूमा हालै ड्रोन र मिसाइल आक्रमणमा प्रयोग गरिएका उन्नत हतियारहरूको आपूर्ति समावेश छ ।
सुरक्षा र रक्षा परिषद्ले संयुक्त अरब इमिरेट्सलाई आक्रामक राज्य घोषणा गर्ने, यससँग कुटनीतिक सम्बन्ध तोड्ने र दुतावास र महावाणिज्य दुतावाससहित सुडानी कुटनीतिक नियोग फिर्ता लिने निर्णय गरेको छ । संयुक्त राष्ट्र संघले भनेको छ कि सुडानको ४ करोड ६० लाख मानिसहरूमध्ये आधाभन्दा बढी – लगभग २ करोड ५० लाख – लाई आपतकालीन सहायताको आवश्यकता छ । डार्फर जस्ता धेरै क्षेत्रहरूमा अनिकाल पुष्टि भएको छ । अधिकार समूहहरूले भनेका छन् कि दशौं हजार मारिएका छन् र लगभग १ करोड ५० लाख मानिसहरू द्वन्द्वबाट विस्थापित भएका छन् ।
