वीरगन्ज –
प्रतिनिधिसभा सदस्य बिना जैशवालले आज वीरगन्जको वडा नं. २४ रामघडवामा अवस्थित श्री रामनानकी प्राथमिक विद्यालयमा दुई तल्ले भवन निर्माणको भव्य भुमिपूजन गर्नुभएको छ। यो भवन निर्माणले विद्यालयको शैक्षिक गुणस्तर उकास्न र स्थानीय समुदायलाई ठूलो राहत पुग्ने विश्वास गरिएको छ।
भुमिपूजन कार्यक्रममा राष्ट्रिय प्रजातन्त्र पार्टीका पर्सा जिल्ला वरिष्ठ उपाध्यक्ष तथा मधेश प्रदेश कोषाध्यक्ष जगरनाथ प्रसाद कुर्मी, पार्टी प्रवक्ता मनोज मिश्रा र सचिव पन्नालाल पटेललगायतका नेताहरू र कार्यकर्ताहरूको उपस्थिति रहेको थियो। कार्यक्रममा सहभागी नेताहरूले यो परियोजनाले शिक्षाको पहुँच विस्तार गर्न र स्थानीय विकासमा योगदान पुर्याउने विश्वास व्यक्त गरे।
स्थानीय बासिन्दाहरूले यो भवन निर्माणले बालबालिकाहरूलाई राम्रो शिक्षाको अवसर प्रदान गर्ने र विद्यालयको भौतिक संरचनालाई बलियो बनाउनेमा जोड दिएका छन्। कार्यक्रममा थप सहभागीहरूले समुदायको सहयोग र सरकारको लगानीले यस्ता परियोजनाहरूले गति लिने बताए।
