काठमाडौँ-
टर्किएको वार्षिक मुद्रास्फीति दर मे महिनामा ३५.४१ प्रतिशतमा झरेको छ । टर्कीको तथ्याङ्क संस्थानले जारी गरेको पछिल्लो तथ्याङ्कअनुसार मे महिनाको वार्षिक मुद्रास्फीति दर अप्रिलमा ३७.८६ प्रतिशतबाट घटेर ३५.४१ मा आएको हो । नोभेम्बर २०२१ पछि टर्किएले देखेको सबैभन्दा कम थियो । यो बजार अनुमान भन्दा पनि कम थियो । जसले मुद्रास्फीति लगभग ३६.१ प्रतिशतमा झर्ने अनुमान गरेको थियो ।
मासिक, उपभोक्ता मूल्य मुद्रास्फीति १.५३ प्रतिशत थियो । जुन अप्रिलमा ३.० प्रतिशत थियो । मे महिनामा वार्षिक वृद्धि शिक्षाको मूल्यमा ७१.६७ प्रतिशतले वृद्धि भएको थियो, जबकि आवासको मूल्यमा ६७.४३ प्रतिशतले वृद्धि भएको थियो । खाद्य र गैर–मादक पेय पदार्थको मूल्यमा ३२.८७ प्रतिशतले वृद्धि भएको थियो ।
टर्किए वर्षौंदेखि बढ्दो मुद्रास्फीतिसँग जुधिरहेको छ। अप्रिलमा वार्षिक मुद्रास्फीति दर थोरै घटेर ३७.८६ प्रतिशतमा झ¥यो । जुन मार्चमा ३८.१ प्रतिशत थियो । मे महिनामा टर्कीको केन्द्रीय बैंकले आफ्नो वर्षको अन्त्यको मुद्रास्फीति पूर्वानुमान २४ प्रतिशतमा अपरिवर्तित राखेको छ ।
