“गर्मीमा शरीरले आफ्नो तापमान नियन्त्रण गर्न खोज्छ, जसले रक्तसञ्चार बढाउँछ।

काठमाडौं –

अत्यधिक गर्मी र लूले विभिन्न स्वास्थ्य समस्याहरू निम्त्याउन सक्छ, तर के तपाईंलाई थाहा छ, लामो समयसम्म तातो मौसममा बाहिर रहँदा हृदयाघातको जोखिम बढ्न सक्छ? गर्मीमा अत्यधिक पसिना आउँदा शरीरमा पानीको कमी हुन्छ, जसले हृदयमा दबाब बढाउन सक्छ। साथै, पसिनासँगै पोटासियम र सोडियमजस्ता इलेक्ट्रोलाइट्सको कमीले हृदयको कार्यक्षमता प्रभावित हुन सक्छ।

“गर्मीमा शरीरले आफ्नो तापमान नियन्त्रण गर्न खोज्छ, जसले रक्तसञ्चार बढाउँछ। यसले हृदयमा अतिरिक्त दबाब पर्छ, जसका कारण हृदयाघातको सम्भावना हुन्छ,” उनले भने।

कसलाई बढी जोखिम?
लामो समयसम्म पानी नपिई घाममा बस्ने व्यक्तिहरूलाई हृदयाघातको जोखिम बढी हुन्छ। यदि कुनै व्यक्ति आधा घण्टा वा सोभन्दा बढी समय पानी नपिई घाममा रहन्छ र टाउको ढाकिएको छैन भने लू लाग्न सक्छ, जसले हृदयाघात निम्त्याउन सक्छ। साना बालबालिका, गर्भवती महिला र वृद्धवृद्धालाई यो जोखिम अझ बढी हुन्छ। यस्तोमा गर्मीको समयमा विशेष सावधानी अपनाउन आवश्यक छ। हाल देशका धेरै क्षेत्रमा तीव्र गर्मी चलिरहेकाले स्वास्थ्यका लागि सतर्कता अपनाउनुपर्ने चिकित्सकहरूको सुझाव छ।

यी कुरामा ध्यान दिनुस्
– गर्मीमा पर्याप्त पानी पिउनुहोस्। दिनमा कम्तीमा ८ गिलास पानी पिउनुपर्छ।
– अनावश्यक रूपमा बाहिर ननिस्कनुहोस्। यदि बाहिर निस्कनै पर्ने भए टाउको ढाक्नुहोस् र पानीको बोतल साथमा राख्नुहोस्।
– यदि तपाईंलाई हृदयरोग छ भने आफ्नो औषधि सधैं साथमा राख्नुहोस्।
– मध्याह्न १२ देखि ३ बजेसम्म बाहिर ननिस्कनुहोस्।

गर्मीको यो मौसममा यी सावधानी अपनाएर हृदयाघातजस्ता गम्भीर स्वास्थ्य समस्याबाट बच्न सकिन्छ।