प्रचण्डको घोषणा : भिजिट भिसा छानबिन र सदन सुचारु गर्न सत्तापक्षसँग दुई बुँदे सहमति

अध्यक्ष दाहालले निजामती, शिक्षा लगायतका महत्वपूर्ण विधेयकहरू छिटो पारित गर्नुपर्ने आवश्यकता रहेकोले सदन सुचारु गरिएको बताए।

♠ समाचार सारांश

♠ एआईबाट जेनरेटेड

दुई बुँदे सहमति: माओवादी केन्द्र अध्यक्ष प्रचण्डले भिजिट भिसा प्रकरणमा छानबिन समिति गठन र संसद् गतिरोध अन्त्य गर्न सत्तापक्षसँग सहमति भएको बताएका छन्।
सदन सुचारु र विधेयक पारित: निजामती, शिक्षा लगायतका महत्वपूर्ण विधेयकहरू छिटो पारित गर्नुपर्ने भएकाले संसद् सञ्चालनमा ल्याइएको दाहालले बताए।
पूर्वराष्ट्रपतिको भूमिका: पूर्वराष्ट्रपति तथा उपराष्ट्रपतिहरू राजनीतिमा सक्रिय हुन पाउने कानुनी व्यवस्था आवश्यक भएकोमा दाहालले जोड दिए।

विराटनगर –

नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’ले मुलुक र जनताको हितका लागि सत्तापक्षसँग दुई बुँदे सहमति भएको बताएका छन्। शनिबार विराटनगर विमानस्थलमा सञ्चारकर्मीहरूसँग कुरा गर्दै उनले भिजिट भिसा प्रकरणमा छानबिन गर्न समिति गठन गर्ने र सदनको गतिरोध अन्त्य गर्ने विषयमा सहमति भएको जानकारी दिए।

अध्यक्ष दाहालले निजामती, शिक्षा लगायतका महत्वपूर्ण विधेयकहरू छिटो पारित गर्नुपर्ने आवश्यकता रहेकोले सदन सुचारु गरिएको बताए। साथै, उनले पूर्वराष्ट्रपति र पूर्वउपराष्ट्रपतिहरू पुनः राजनीतिमा सक्रिय हुन सक्ने सन्दर्भमा आवश्यक कानुन निर्माण गर्नुपर्नेमा जोड दिए।

यो सहमतिले संसद्को काम कारबाही अगाडि बढ्ने र मुलुकका जल्दाबल्दा मुद्दाहरू सम्बोधन हुने अपेक्षा गरिएको छ।