काठमाडौं-

काठमाडौंको कलङ्कीस्थित इडिफाइड इन्टरनेसनल स्कूलको कम्पाउन्डभित्र सोमबार दिउँसो १२:५० बजे भएको विद्युतीय माइक्रो भ्यान दुर्घटनामा ९ वर्षीया सोनाक्षी यादवको मृत्यु भएको छ। सर्लाही घर भई कुलेश्वर बस्ने सोनाक्षीलाई गम्भीर घाइते अवस्थामा सहिद मेमोरियल अस्पताल लगिएको थियो, जहाँ १३:३६ बजे उनलाई मृत घोषणा गरियो। दुर्घटनामा अन्य ७ जना घाइते भएका छन्। काठमाडौं प्रहरी परिसरका प्रवक्ता एसपी अपीलराज बोहराका अनुसार भ्यान गेटको पिलरमा ठोक्किएको थियो। प्रहरीले घटनाको अनुसन्धान गरिरहेको छ।