काठमाडौं –

मलेसियामा जारी एसीसी मेन्स यु–१६ एलिट कप २०२५ को तेस्रो खेलमा नेपालले इन्डोनेसियाविरुद्ध शानदार प्रदर्शन गर्दै ५० ओभरमा ५ विकेट गुमाएर ४२० रनको विशाल योगफल बनाएको छ। टस हारेर ब्याटिङको निम्तो पाएको नेपालले आक्रामक ब्याटिङको प्रदर्शन गरेको हो।

नेपालका लागि ओपनर प्रसिद्ध जैशीले ११४ बलमा १३२ रनको शतकीय पारी खेल्दै टिमको आधार खडा गरे। यस्तै, रौनक श्रीवास्तवले ८८ बलमा ८७ रन, परिमार्जन यादवले २८ बलमा ७१ रन र जोय थापाले ४१ बलमा ५७ रनको अर्धशतकीय योगदान दिए। इन्डोनेसियाका बलरहरूले नेपालको ब्याटिङ रोक्न संघर्ष गरे, जहाँ आई केतुत दर्मा पुत्रपीले २ विकेट लिए भने रायहान रिजा अथैला के, महेन्द्र अजी युदा प्रतामा र कविन नीरज चड्डाले समान १–१ विकेट लिए।

यो जितले नेपालले समूह ‘ए’ मा आफ्नो बलियो स्थिति कायम राखेको छ। नेपालले अब भुटानविरुद्ध जुलाई १ मा आफ्नो अर्को खेल खेल्नेछ।