काठमाडौं –

मलेसियामा जारी एसिसी मेन्स यु-१६ प्रतियोगिताको चौथो खेलमा नेपालले भुटानलाई ३५९ रनको विशाल लक्ष्य प्रस्तुत गरेको छ। सिलेगंर ट्रफ क्लबमा टस जितेर ब्याटिङ रोजेको नेपालले ५० ओभरमा ५ विकेट गुमाउँदै ३५८ रन बनायो।

नेपालका लागि रौनक श्रीवास्तवले १३२ बलमा १६८ रनको सानदार शतकीय पारी खेले, जुन टिमको विशाल स्कोरको मुख्य आधार बन्यो। जोय थापाले ६७ बलमा ६१ रन र विकेटकिपर ब्याट्सम्यान शिवंश बजगाईंले ५२ बलमा ५४ रनको अर्धशतकीय योगदान दिए। सुगम बुढाथोकीले ३३ बलमा ३५ रन जोडे।

भुटानका बलर साङ्गे दोर्जीले १० ओभरमा ७० रन खर्चेर ३ विकेट लिए।

नेपाल समूहको शीर्ष स्थानमा रहँदै सेमिफाइनलमा प्रवेश गरिसकेको छ। यसअघि सिंगापुर, जापान र इण्डोनेसियालाई पराजित गरेको नेपाल अपराजित छ। डिफेन्डिङ च्याम्पियन नेपालले असार २१ मा हुने फाइनलमा बलियो दाबेदारी प्रस्तुत गर्ने अपेक्षा गरिएको छ।