महोत्तरी-
महोत्तरीको बर्दिबासस्थित डीएनबी मेडिकेयर सेन्टरमा कार्यरत ४१ वर्षीय चिकित्सक डा. प्रवीण मिश्रलाई एक किशोरीमाथि बलात्कार गरेको आरोपमा प्रहरीले पक्राउ गरेको छ। सर्लाहीको बलरा घर भएका मिश्रलाई इलाका प्रहरी कार्यालय बर्दिबासको टोलीले पक्राउ गरेको प्रहरी नायब उपरीक्षक शैलेन्द्रकुमार भट्टले बताए।
किशोरीले आफूलाई मिश्रले बलात्कार गरेको जानकारी अभिभावकलाई दिएपछि अभिभावकले प्रहरीमा किटानी जाहेरी दिएका थिए। प्रहरीले मिश्रमाथि थप अनुसन्धान गरिरहेको जनाएको छ। यो घटनाले स्थानीय समुदायमा ठूलो आक्रोश पैदा भएको छ।
