| ♠ समाचार सारांश | ♠ एआईबाट जेनरेटेड |
|
पर्सा –
जिल्ला प्रशासन कार्यालय पर्सा, कृषि सामग्री कम्पनी लिमिटेड, साल्ट ट्रेडिङ र जिल्ला प्रहरी कार्यालयको संयुक्त अनुगमन टोलीले ठूलो परिमाणमा अनुदानको मल कालोबजारी गरिरहेको अवस्थामा दुई जनाबाट मल बरामद गरेको छ।
सखुवा प्रसौनी गाउँपालिका–२ कटैयामा प्राप्त सूचनाको आधारमा गरिएको छापामारीमा युनुस अंसारीको घरबाट DAP २६ बोरा र पोटास २४ बोरा गरी जम्मा ५० बोरा मल बरामद गरिएको जिल्ला प्रशासन कार्यालय पर्साले जनाएको छ।
यस्तै,सह–महमद मलखाद भण्डारका सञ्चालक साह महमद अंसारीको घरमा लुकाइ राखिएको DAP ९ बोरा, पोटास १८ बोरा र फास्फेट ११४ बोरा समेत नियन्त्रणमा लिइएको छ। प्रशासनका अनुसार नेपाल सरकारले किसानलाई अनुदानमा उपलब्ध गराउँदै आएको मल बढी मूल्यमा बिक्री गर्ने उद्देश्यले भण्डारण गरिएको हो।
छापामारीका क्रममा पसल सञ्चालक फरार भएका थिए भने आवश्यक कानूनी कारबाहीका लागि जिल्ला प्रशासन कार्यालयले प्रक्रिया अघि बढाएको जनाएको छ।
