वीरगन्ज —
हैजाको संक्रमण फैलिन सक्ने जोखिमलाई मध्यनजर गर्दै वीरगन्ज महानगरपालिकाले नगरभित्रका लोकसेवा तयारी कक्षा, इन्स्टिच्युट तथा कोचिङ सेन्टरहरूमा पठनपाठ अस्थायी रूपमा स्थगित गर्ने निर्णय गरेको छ।
भदौ १० गते बसेको नगर प्रमुखस्तरीय बैठकले भदौ ११ गतेदेखि १३ गते सुक्रवार सम्मको लागि सबै तयारी कक्षा, इन्स्टिच्युट र कोचिङ सेन्टर बन्द गर्ने निर्णय गरेको हो।
महानगरपालिकाले जारी गरेको विज्ञप्तिमा हैजासम्बन्धी स्वास्थ्य सचेतना कार्यक्रमहरू भने समुदाय स्तरमा निरन्तर सञ्चालन गर्न सबैलाई अनुरोध गरिएको छ।
महानगरका प्रमुख प्रशासकीय अधिकृतको कार्यालयमार्फत जारी सूचनामा, “हैजा नियन्त्रण तथा रोकथामका लागि अस्थायी रुपमा पठनपाठ रोकिएको” उल्लेख गरिएको छ।
