काठमान्डौं-
ग्रह स्वास्थ्यको रक्षा गर्न आह्वान गर्दै केन्यामा संयुक्त राष्ट्र वातावरण सभाको सातौं सत्र केन्याको राजधानी नैरोबीमा शुरु भएको छ ।
ग्रहले सामना गरिरहेको बढ्दो खतराहरूको स्थायी समाधानको लागि आह्वान गरिएकोहो । १७० भन्दा बढी देशका वातावरण अधिकारीहरू, बहुपक्षीय एजेन्सीहरूका प्रतिनिधिहरू, शिक्षाविद्, उद्योग र नागरिक समाजसहित लगभग ६ हजार प्रतिनिधिहरू विभिन्न विषयवस्तु अन्तर्गत पाँच दिने सम्मेलनमा भाग लिइरहेका छन् ।
एक भिडियो सन्देशमा, संयुक्त राष्ट्र उपमहासचिव अमिना जे. मोहम्मदले मानवताको लागि एक लचिलो भविष्य सुरक्षित गर्न जलवायु परिवर्तन, बासस्थानको क्षति र प्रदुषण जस्ता पारिस्थितिक खतराहरूलाई सम्बोधन गर्न जरुरी रहेकोमा जोड दिनुभयो । वातावरणसँग सम्बन्धित मामिलाहरूमा विश्वको सर्वोच्च स्तरको निर्णय गर्ने निकायको रूपमा, युएनइए २०१४ देखि १९३ संयुक्त राष्ट्र सदस्य राष्ट्रहरूको विश्वव्यापी सदस्यतामा आयोजना हुँदै आएको छ ।
यस वर्षको संस्करणको दौरान, प्रतिनिधिहरूले १५ मस्यौदा प्रश्तावहरू र तीन मस्यौदा निर्णयहरूमा छलफल गर्नेछन् । जसमा हिमनदीहरूको संरक्षण बढाउने, धातु र खनिजहरूको दिगो उत्पादन गर्ने र कृत्रिम बुद्धिमत्ताको पारिस्थितिक पदचिन्ह कम गर्ने आह्वान गरिनेछ । सीमापार ताजा पानीका स्रोतहरूको दिगो व्यवस्थापन, गोलाकारतामा परिवर्तन, बसाइँसराइ गर्ने प्रजातिहरू, समुद्री शासन र जलवायु न्याय छलफलका लागि तय गरिएका विषयहरू हुन् ।
बहुपक्षीय वातावरणीय सम्झौताहरूलाई सुदृढ पार्ने, समावेशीता र सहयोगलाई प्रवद्र्धन गर्ने, ग्रह र यसका बासिन्दाहरूको लागि लचिलो मार्गहरू चार्ट गर्न मद्दत गर्न सभाको केन्द्रबिन्दुमा रहने बताइएको छ ।
