वीरगन्ज –
संविधान सभा सदस्य एवं नेपाली कांग्रेस पर्साका पूर्वसभापति राजेन्द्रबहादुर अमात्यलाई आज अपराह्न गम्भीर हृदयघात भएको छ। वीरगन्जको माइस्थानस्थित आफ्नै घरमा रहेका बेला अमात्यलाई हृदयघात भएको हो।
हृदयघातपछि गम्भीर अवस्थामा रहेका अमात्यलाई उपचारका लागि वीरगन्जको भेडियाहीस्थित नेसनल मेडिकल शिक्षण अस्पतालमा भर्ना गरिएको छ। उनको स्वास्थ्य अवस्था गम्भीर रहेकाले थप उपचारका लागि काठमाडौं लैजाने तयारी गरिएको उपचारमा संलग्न चिकित्सकहरूले बताएका छन्।
अमात्यलाई वीरगन्जबाट काठमाडौं लैजान मेडिसिटी अस्पतालबाट अपराह्न ४ बजेर १० मिनेटमा हेलिकप्टर उडेको नेपाली कांग्रेसका नेताहरूले जानकारी दिएका छन्।
