वीरगन्ज-
वीरगन्जमा मालवाहक ट्रकबाट १ क्वीन्टल गाँजासहित दुई जनालाई प्रहरीले पक्राउ गरेको छ । गाँजा र मानिससहित ट्रकपनि प्रहरीले नियन्त्रणमा लिएको छ ।
पक्राउ पर्नेमा ट्रकका धनीसमेत रहेका मकवानपुरको हेटौंडा उपमहानगरपालिका–७ कमानेका ४४ वर्षिय कृष्ण घलान र चितवनको राप्ती नगरपालिका–३ झुरझेरका २० वर्षिय राृजाल विश्वकर्मा रहेका छन् ।
आइतबार राति परवानीपुरबाट वीरगन्जको ड्राइपोर्टतर्फ आउँदै गरेको ना. ३ ख ४२१२ नम्बरको ट्रक वीरगन्ज महानगरपालिका–१८ भवानीपुरमा प्रहरीले रोकेर चेकजाँच गर्दा ट्रकको हुटमा फल्स बटम बनाएर लुकाएर राखिएको १६ वटा पोकामा रहेको १ क्वीन्टल ६० केजी गाँजा बरामद भएको हो ।
ट्रकबाट गाँजा बरामद भएपछि त्यसका चालक र गाडीधनी भलान र त्यसमा सवार विश्वकर्मालाई ट्रकसहित नियन्त्रणमा लिइएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक किशोर लम्सालले बताए ।
गाँजासहित पक्राउ परेका दुवै जनालाई प्रहरी हिरासतमा राखेर उनिहरुविरुद्ध लागु औषध सम्बन्धी कसूरमा थप अनुसन्धान भइरहेको प्रहरी नायब उपरीक्षक लम्सालले जानकारी दिए ।
