बारा-
बारा प्रहरीले ठूलो परिमाणमा स्रोत नखुलेको रकमसहित दुइ जनालाई पक्राउ गरेको छ ।
सिमरा प्रहरी कार्यालयबाट खटिएको विशेष टोलीले स्रोत नखुलेको दश लाख रुपैयाँसहित दुइजनालाई पक्राउ गरेको हो । प्रहरीको टोलीले जीतपुर सिमराबाट पर्साको सखुवा प्रसौनी गाउँपालिका निवासी अनिल पटवारी र वीरगन्ज १५ निवासी ओमप्रकाश यादवलाइ पक्राउ गरेको हो ।
प्रहरीले कलैयाबाट विराटनगरतर्फ जाँदै गरेको प्र ०२–००१ च ८०७३ नम्बरको पिकअपलाई रोकेर जाँच गरेको जाँच गरेको थियो । सोही क्रममा पिकअप चालक अनिल र ओमप्रकाशलाको साथबाट हुण्डीको रकम बरामद भएको बारा प्रहरीका प्रवक्ता प्रकाश सापकोटाले बताए ।
उनका अनुसार चालकले सिटमुनि लुकाइछिपाई राखेको अवस्थाबाट स्रोत नखुलेको १० लाख रुपैँया फेला परेको हो ।
पक्राउ परेकाहरुलाई बारा प्रहरीको हिरासतमा राखि आवश्यक अनुसन्धान गरिरहेको प्रहरीले जानकारी दिएको छ ।
