पर्सा-
पर्सा जिल्लाका ग्रामीण क्षेत्रका सेवाग्राहीहरूलाई लक्षित गरी पोखरिया नगरपालिकामा भूमिसुधार तथा मालपोत र नापी कार्यालय सञ्चालन हुने भएको छ। यो कार्यालय फागुन १२ गतेदेखि सञ्चालनमा आउनेछ।
सङ्घीय मन्त्रिपरिषद्को गत पुस ९ गतेको निर्णयअनुसार यी दुवै कार्यालयहरू सञ्चालन हुने नापी कार्यालयका प्रमुख राकेशकुमार झालेले जानकारी दिए। उनले बताए कि पर्सा जिल्लाका सातवटा पालिकाका सेवाग्राहीहरूलाई लक्षित गरी कार्यालयको सेवा विस्तार गरिएको छ।
यसले गर्दा अब सेवाग्राहीहरूलाई भूमिसुधार तथा मालपोत सम्बन्धी सेवाका लागि वीरगन्ज धाउनुपर्ने बाध्यताको अन्त्य हुनेछ। कार्यालय सञ्चालन भएपछि पोखरिया नगरपालिका, विन्दबासिनी, कालिकामाई, धोबिनी, छिपहरमाई, जगरनाथपुर र पकहाँमैनपुर गाउँपालिकाका सेवाग्राहीहरू लाभान्वित हुनेछन्।
यो पहलले स्थानीय स्तरमा नै सेवा प्रदान गरी सेवाग्राहीहरूको समय र खर्च बचत हुने अपेक्षा गरिएको छ। साथै, यसले सरकारी सेवालाई अझ प्रभावकारी र सुलभ बनाउने देखिन्छ।
