वीरगन्ज –
ठाकुर राम बहुमुखी क्याम्पस, वीरगन्जमा स्वतन्त्र विद्यार्थी युनियन (स्ववियु) निर्वाचनको लागि समिति गठन गरिएको छ। त्रिभुवन विश्वविद्यालयको निर्देशन अनुसार आगामी चैत ५ गते हुने स्ववियु निर्वाचनको लागि क्याम्पसले दिलीप कुमार सिंहको संयोजकत्वमा १३ सदस्यीय निर्वाचन समिति गठन गरेको हो।
निर्वाचन समितिका सदस्यहरू:
- दिलीप कुमार सिंह – संयोजक/निर्वाचन अधिकृत
- संजयभक्त श्रेष्ठ – सदस्य
- संजय कुमार दास – सदस्य
- रामविनय प्रसाद यादव – सदस्य
- गौरीशंकर पाण्डेय – सदस्य
- प्रदिप कुशवाहा – सदस्य
- कन्हैया भा – सदस्य
- मुक्त कुमार भुसाल – सदस्य
- नमो नारायण महतो – सदस्य
- रामाधार प्रसाद साह – सदस्य
- विजय कुशवाहा – सदस्य
- गुन्जन कुमार सिंह – सदस्य
- रघुनाथ प्र. चौरसिया – सदस्य सचिव
क्याम्पस प्रमुख रणजीत प्रसाद यादवले जारी गरेको सूचना अनुसार, त्रिभुवन विश्वविद्यालयको स्ववियु निर्वाचन निर्देशिका २०८१ बमोजिम समिति गठन गरिएको हो। समितिले निर्देशिकाको परिधिभित्र रही आफ्नो काम, कर्तव्य, अधिकार र जिम्मेवारी निर्वाह गर्नेछ।
त्रिभुवन विश्वविद्यालयले देशभरका आंगिक र सम्बन्धन प्राप्त क्याम्पसहरूमा एकैसाथ स्ववियु निर्वाचन गर्ने निर्णय गरेको छ। निर्वाचनको मिति नजिकिँदै गर्दा क्याम्पसहरूमा निर्वाचन समिति गठन र अन्य तयारीका कामहरू तीव्र पारिएका छन्।
