काठमाडौं-
टर्की प्रहरीले इस्तानबुलमा इराकी वाणिज्य दुतावासमा शुक्रवार भएको आक्रमणमा संलग्न रहेको आरोपमा १२ जना संदिग्धहरूलाई पक्राउ गरेको छ । इहलास समाचार एजेन्सीकाअनुसार प्रहरीले आईतवारदेखि व्यापक कारबाही शुरु गरेको छ ।
इस्तानबुल र पश्चिमी इज्मिर प्रान्तका धेरै स्थानहरूमा छापा मारेको छ । पक्राउ परेकाहरूमा मार्च २१ मा शहरको युरोपेली भागमा रहेको सिसली जिल्लामा रहेको वाणिज्य दुतावास भवनमा भएको आक्रमणको योजना बनाउने र उक्साउने शंका गरिएका व्यक्तिहरू पनि थिए ।
खोजी कार्यको क्रममा,प्रहरीले संदिग्धहरूको ठेगानामा लामो ब्यारेल भएको बन्दुक र चोरी भएको मोटरसाइकल जफत गरेको छ ।
