काठमाडौँ –
राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्याङ्कन समितिले नेपाल सरकारलाई आर्थिक वर्ष २०८२/०८३ को नीति तथा कार्यक्रमका लागि सुझावसहितको प्रतिवेदन हस्तान्तरण गरेको छ।
मंगलवार सिंहदरबारमा बसेको समितिको बैठकमा समिति सभापति ठाकुरप्रसाद गैरेले रक्षामन्त्री मानवीर राईलाई उक्त प्रतिवेदन हस्तान्तरण गर्नुभयो। प्रतिवेदनमा आगामी आर्थिक वर्षको नीति तथा कार्यक्रमलाई प्रभावकारी बनाउन समितिले तयार पारेका सुझावहरू र ध्यानाकर्षणका विषयहरू समेटिएको छ।
बैठकमा नेपाल सरकारको आ.व. २०८२/०८३ को नीति तथा कार्यक्रममा समावेश गर्नुपर्ने प्राथमिकता र कार्यान्वयनका लागि आवश्यक रणनीतिहरूबारे छलफल भएको थियो। समितिले महिला, दलित, भूमिहीन, विपन्न र पिछडिएको समुदायको हकअधिकार प्रत्याभूत हुने गरी नीति तथा कार्यक्रम तर्जुमा गर्न सरकारलाई निर्देशन दिएको छ।
यो प्रतिवेदनले सरकारलाई नीति निर्माणमा थप मार्गदर्शन प्रदान गर्ने र समावेशी विकासमा जोड दिने अपेक्षा गरिएको छ।
