काठमाडौं-
आम जनता पार्टीका अध्यक्ष प्रभु साहले संघीय निजामती सेवा विधेयकको विरोधमा प्रतिनिधिसभा बैठकमा रोष्ट्रमबाटै विधेयक च्यातेका छन्। आइतबार भएको बैठकमा विधेयकमाथिको छलफलका क्रममा साहले उक्त विधेयक विभेदकारी भएको आरोप लगाउँदै यसको पारित भए देशमा आगो बल्ने चेतावनी दिए।

उनले विधेयकले गरिबको भविष्यमाथि खेलवाड गरेको र सरकारी जागिरमा गरिबलाई बञ्चित गर्ने नियत राखेको दाबी गरे। “यो विधेयक पारित भए गरिबका लागि कालो दिन हुनेछ,” साहले भने। उनले विधेयकको विरोधमा सदन बैठक बहिष्कार गर्ने घोषणा समेत गरे।

साहको उक्त कदमले संसदमा तीव्र विवाद सिर्जना भएको छ। विधेयकमाथिको छलफल र पारित प्रक्रिया अगाडि बढ्ने क्रममा थप तनाव उत्पन्न हुने देखिएको छ।