धनुषा-

जनकपुरधाम उपमहानगरपालिका–१५ कुवारामपुरका ६५ वर्षीय वासुदेवप्रसाद विमलको उनकै ज्वाइँले छुरा प्रहार गरी हत्या गरेका छन्। जिल्ला प्रहरी कार्यालयका अनुसार, जनकपुरधाम–२१ कुर्थाका ४८ वर्षीय बेचन महासेठले आज बिहान १० बजे ससुराको घरमै छुरा प्रहार गरेका हुन्।

प्रहरी नायव उपरीक्षक वरुणबहादुर सिंहका अनुसार, जग्गासम्बन्धी घरायसी विवादका कारण बेचनले ससुराको पेटमा चक्कु प्रहार गरेका थिए। गम्भीर घाइते भएका वासुदेवलाई प्रादेशिक अस्पताल जनकपुरमा पुर्याइए पनि चिकित्सकले मृत घोषणा गरे।

घटनापश्चात् बेचन फरार छन्। प्रहरीले घटनाको थप अनुसन्धान गरिरहेको छ।