काठमाडौं –
नेपाली कांग्रेस बागमती प्रदेश सभा संसदीय दलका नेता बहादुरसिंह लामा अविश्वास प्रस्ताव पारित भएपछि पदमुक्त भएका छन्।
मंगलबार बसेको संसदीय दलको बैठकमा ३७ जना सांसद सहभागी थिए। मतदानमा २२ जनाले अविश्वास प्रस्तावको पक्षमा र १५ जनाले विपक्षमा मत दिएका थिए। यससँगै लामो समयदेखि दलभित्र देखिँदै आएको असन्तुष्टि र नेतृत्वप्रतिको गुनासो अविश्वास प्रस्तावमार्फत् स्पष्ट भएको हो।
अविश्वासको पक्षमा मतदान गर्ने सांसदहरू:
इन्द्रबहादुर बानियाँ, शिवराज अधिकारी, कञ्चनचन्द्र वादे, दीपेन्द्र श्रेष्ठ, पुकार महर्जन, बिनु रायमाझी पौडेल, यमुना देवी श्रेष्ठ, उर्मिला नेपाल केसी, शान्ता ढकाल, प्रभात तमाङ, छिरीङ्ग दोर्जे लामा, मीना पराजुली, याङ्किला शेर्पा, मीनकृष्ण महर्जन, विमल ठकुरी, मदुकुमार श्रेष्ठ, सुरजचन्द्र लामिछाने, सुरेश श्रेष्ठ, श्रीराम लामिछाने, सुना परियार, श्यामबहादुर खड्का र कृष्णबहादुर तामाङ।
अविश्वासको विपक्षमा मतदान गर्ने सांसदहरू:
बहादुरसिंह लामा तामाङ, कुन्दनराज काफ्ले, उत्तम जोशी, लक्ष्मी श्रेष्ठ, रमेशकुमार महत, हरिप्रभा खड्गी, रामकुमार पहाडी, छेत्रबहादुर बम्जन, गीता गुरुङ, मसिना खड्का, तिर्थ लामा, रामकृष्ण चित्रकार, माया श्रेष्ठ, गोविन्द लम्साल र समिता खड्गी।
नयाँ संसदीय दलको नेता चयनबारे कांग्रेस भित्र छलफल सुरु भएको स्रोतले जनाएको छ।
