काठमाडौं-
काठमाडौं महानगरपालिकाका मेयर बालेन्द्र शाह (बालेन) ले आगामी अन्तरिम सरकारको नेतृत्वमा पूर्वप्रधानन्यायाधीश सुशिला कार्कीलाई अघि बढाउन समर्थन जनाउनुभएको छ।
बुधबार जेनजी युवा प्रतिनिधिहरूले कार्कीलाई नयाँ नेतृत्वका लागि नेपाली सेनाका प्रधानसेनापति अशोक सिग्देल समक्ष प्रस्ताव गरेका थिए। उक्त प्रस्तावमा मेयर बालेनले पनि समर्थन व्यक्त गर्नुभएको थियो।
यसैबीच, सार्वजनिक रूपमा बाहिर भेला भएका केही युवाहरूले कार्कीको प्रस्तावको विरुद्ध नाराबाजी गर्दै विरोध जनाएका थिए। तर, डिस्कर्ड लगायतका सामाजिक सञ्जालमा जेनजी युवा प्रतिनिधिहरूले छलफल गर्दा कार्कीको पक्षमा बलियो मत देखिएको छ।
यसरी, आगामी नेतृत्व चयन प्रक्रियामा कार्कीको समर्थन बढ्दै गएको देखिन्छ भने विभिन्न सम्भावित नामहरूमा समेत चर्चा भइरहेको छ।
