पर्सा प्रहरीका अनुसार धोरे टोलका २४ वर्षीय अंशु गिरीलाई वीरगन्जबाट पक्राउ गरी थप अनुसन्धान अघि बढाइएको छ। प्रहरीले प्रारम्भिक अनुसन्धानमा यो घटना ग्याङबीचको होडबाजी र पुरानो रिसइबीको कारणले भएको निष्कर्ष निकालेको छ।

घटनाको राति करिब ११:३० बजे झगडा सुरु भएको थियो। गम्भीर घाइते बनेका गोल्डेनलाई तत्काल नारायणी अस्पताल पुर्‍याइए पनि उपचारकै क्रममा मृत्यु भएको थियो। अनुसन्धानले मृतक र विपक्षी समूहबीच पहिल्यै मनमुटाव र विवाद चल्दै आएको पुष्टि गरेको छ।

प्रहरीका अनुसार, गोल्डेन गहवामाई मेलामा गएको बेला विपक्षी समूहका युवाहरूले उनलाई एक्लै पारेर हात, मुक्का र बाँसका भाटा प्रहार गरी हत्या गरेका थिए।

मुख्य आरोपी अंशु गिरी पक्राउ हुनु अघि नै पाँच जना अभियुक्त — १९ वर्षीय गौतम पटेल, २० वर्षीय सुभांकर चौरसिया, २२ वर्षीय अमिरी (करण प्रसाद) पटेल, २४ वर्षीय चन्दन चौरसिया र १९ वर्षीय अमन पटवा —लाई प्रहरीले नियन्त्रणमा लिइसकेको छ। सबै अभियुक्त वीरगन्ज–२४, रामगढवाका निवासी हुन्।